कर्जत, गणेश पुरवंत
कर्जत शहरातील कर्जत एज्युकेशन सोसायटी संस्थेच्या कर्जत व कडाव या इंग्रजी माध्यमांच्या दोन्ही शाळांमध्ये “शिवजयंती उत्सव” साजरा करण्यात आला. कार्यक्रमाची सुरुवात राष्ट्रगीताने करण्यात आली शिवाजी महाराजांच्या प्रतिमेचे पूजन व पुष्पहार अर्पण करून दीप प्रज्वलन करण्यात आले. यावेळी संस्थेचे पदाधिकारी प्रवीण गांगल, सतीश पिंपरे, शाळेच्या मुख्याध्यापिका अनुपमा चौधरी, पर्यवेक्षक सुनील बोरसे, शिक्षक वर्ग, विद्यार्थी व पालक उपस्थित होते.
मुख्याध्यापिका अश्विनी साळोखे एज्युकेशन सोसायटी संस्थेच्या कर्जत व कडाव या इंग्रजी माध्यमांच्या दोन्ही शाळांमध्ये युगप्रवर्तक हिंदवी स्वराज्य संस्थापक छत्रपती शिवाजी महाराज यांची जयंती निमित्त प्री प्रायमरी च्या विद्यार्थी व विद्यार्थिनींनी पारंपारिक वेशभूषा परिधान करून, छत्रपती शिवाजी महाराजांची मिरवणूक काढली. यावेळी शिक्षक व पालक मोठ्या संख्येने उपस्थित होते. अप्रतिम अशी पालखी मिरवणूक काढत, महाराजांचे पोवाडे, वीर पराक्रमाचे प्रसंग, गाणी, नृत्य, चित्रकला अशा स्वरूपात अवलौकिक गुणांचे स्मरण व प्रकटीकरण विद्यार्थी वर्गाने केले.
कार्यक्रमाचा समारोप ओम आंधळकर या विद्यार्थ्याने शिवगर्जना सादर करून केले. यावेळी पालक वर्गाने देखील आपले मनोगत व्यक्त केले. संस्थेचे पदाधिकारी सतीश पिंपरे यांनी अल्पोपहार देऊन सर्वांचे आभार मानले.